PANGAJABING TYANG ALIT

PANGAJABING TYANG ALIT
(minangka kado)

Sugeng Ambal warsa Ngayogyakarta, mugi berkah dalem Gusti tansah sumrambah dhumateng sedaya warga ing tlatah Ngayogya, dalah para tamu wisatawan. Sedaya manggih katentreman saha tansah guyup rukun sesambetan. Lan ing pangajab mugi Nagari Ngayogyakarta saged minangka tuladha tumraping negari Indonesia babagan kerukunan lan sesambetan ingkang raket supeket wontening bebrayan ageng ingkang kebak mawarni-warni suku, agama, budaya.

Dhumateng sedherek-sedherek ingang taksih wontening tataran pamulangan, kita sesarengan saestu mawantu-wantu ngajak, sumangga sesarengan damel tlatah punika dados wewengkon ingkang edi peni, tata raharja jumbuh kaliyan sesantinipun para leluhur lan pinisepuh.

Sampun ngantos wonten kedadosan crah lan prastawa ingkang nuwuhaken dredah ingkang mboten sae ingkang sisip sembiripun dados pasulayan ingkang damel rugi tumrap tiyang kathah.

Dhumateng para pangebating praja, sumangga sesarengan gandheng asta manunggalaken tekad nindakaken pakaryan ingkang sae lan luhur, kanthi nebihi lampah korupsi. Jejibahan agung ingkang dipun pundhi punika sestu dadosa pangatag minangka lampah lan wujud ngabdi dhumateng bumi pertiwi. Inggih ngadi dhumateng sedaya kawula ing Ngayogyakarta, minggahipun dhumateng rakyat Indonesia.

Dhumateng para kadang seniman, sumangga sesarengan kita tunggalaken raos kangge ngedalaken inspirasi ingkang sestu migunani tumraping ewah-ewahan tumuju dhumateng bangsa ingkang nggadhahi budaya luhur, maju lan kompetitif.

Ing wusana, kanthi prastawa ingkang mirunggan punika sumangga sesarengan asesanti, Jaya-jaya wijayanti mugi mukti basuki pinanggih ing wuri.

Katur dhumateng:
Sedaya warga Ngayogyakarta
Condongcatur, 20 Maret 2015

                                   Marang Angin dakluru

Marang dakluru lakumu
dimen ayem tentrem mawantu-wantu

Marang angin dakluru esemmu
panggah dadi ing sedyaku
darma bekti mring negari

Marang angin dakluru swaramu
mrih padhang laku jantraku
mamangun pribadi
mrih pinanggih bener tindakku

                                                           Yogya, 19032015

View Image on Shareapic.net

View Image on Shareapic.net

Video Natal

Ing sasi Desember tahun 2011 kepungkur warga umat kristen ing GKJ Rewulu Pepanthan Gancahan VIII ngadani kebaktian lan perayaan kang disengkuyung dening warga sakiwa-tengene. Perayaan kang diadani tanggal 25 desember kasebut lumaku kanthi lancar lan becik. Ing kono uga dirawuhi dening tokoh masyarakat wilayah kasebut. Miturut ketua panitia perayaan, Sarjiman, S.IP perayaan natal ing tahun ini pancen disengaja diadani  ing wayah esuk yaiku jam 09:00 wib sipaya masyarakat lan jemaat kang bakal ndherek kebaktian lan perayaan ora kaganggu dening udan. Awit miturut dheweke ing wulan desember pancen udane kerep banget. Lan supaya ora ana kedadeyan kaya tahun-tahun kepungkur kang njalari ana kang nganti kecemplung ing selokan sakngarepe greja awit banyu banjir nutupi dalan.


Ngiras pantes ngayari mebeler greja kang wis kasil kasembadan diwujudake minangka ganti kursi kang lawas lan wis rusak. Ana ing acara iku diisi kanthi mawarna-warna kegiatan, kayata: lomba cerdas cermat alkitab, lari belut lan uga diramekke kanthi taria-tarian dening anak-anak sekolah minggu. Wondene video kagiatan iku bisa panjenengan priksani ana ing link iki.

Warta Gancahan Wolu

Warta kang bakal dakaturake iki ngenani kahanan ing Dhususn Gancahan VIII kang nembe wae ngadani perayaan HUT RI kang kaping 66. Ana kalodhangan iku kabeh warga masyarakat ing Gancahan VII padha guyub rukun, gugur-gunung tembayatan mamangun rahayuning sesami, kaya kang katulis minangka logo warga RT 4 RW 18 Dusun Gancahan VIII yaiku MAMANGUN RAHYUNING SESAMI. pancen surasa saka tulisan kasebut mung cendhak, nanging menawa dirasakake ngemot teges lan pengarep-arep kang endah lan jero. Kang wosing pamrih supaya tetep lesatari anggone padha mbangun kerukunane kabeh warga kang kalebu ing wewengkon ing Gancahan VIII. Wujud gendhuren bebarengan kang diadani iku mingka tetelan dene ing Dusun Gancahan VIII iku ana conto urip kang endah, senajan maneka warna agama lan werna-werna atribut kebangsaan nanging pranyata iku ora dadi pepalang kanggo mujudake kerukunan lan urip bebarengan.
Agama dudu maneh minangka alat kang dadi pepalang jroning urip bareng ing Indonesia, nanging malah sewalike dadi sarana kanggo ngejawantahke peparinge Gusti kang dadi hak-e saben titah ing donya iki, yaiku:kamardikan. mardika kanggo urip, mardika kanggo milih lan nemtokake.Video Gendhuri Bareng Gancahan VIII
Video liyane kang bisa panjenengan pirsani Mozes Radite Suluh Keluarga Adalah Istana  Arus Listrik Searah
Motor 4 Langkah

About Javanese Language in Puppets

About the Javanese culture is full of many things that philosophy to educate the character and behavior to create a cultured and wise man.
The puppet is told also that the beauty of the puppet kingdom in an environment that reflects the greatness of the kingdom with all wisdom and beauty of the kingdom. In revealing the story of puppets, there is a palace of a king identified as a symbol of luxury. "akik bang jejubinan" is the atmosphere of the floor that was covered with sparkling red stone. "Akik" marble means very expensive. "Bang" comes from the word "abang" and red means "Jejubinan" meaning as flooring base. How wonderful atmosphere of the palace once more disclosed by puppeteer to bring viewers into the mystical and romantic atmosphere with all the sanctity of the palace.
The Narpati is another term for king. "Narpati = narapati = buminata" all contain the same meaning that is king.

Tuladha Laku Utama

Tuladha Laku Utama

Ing jagading pesrawungan asring kita pranggulangi  kahanan kang dadi kawigaten awit bab iki gegayutan marang kepiye amrih sesambungane antarane kabeh pihak keluwarga tinemu harmonis. Akeh kita temoni ing sajroning keluwarga kang asring kedadeyan padudon lan munggahe dadi pasulayan, lan kepara ana uga kang kahanan iku banjur dadi congkrahe sesambungane ing donyane nenikahan.

Amung merga perkara kang ora mbejaji satemah dadi pasulayan dedreg, ing keluwarga kono dumadakan banjur ana "piring terbang" mabur saka njero ngomah mbladhas menculat metu mampir lawang dhisik. iki ora mokal bisa kedadeyan amarga disebabake dening sesambungan utawa komunikasi antarane kekarone pihak kang padha dene mbeguguk kenceng mbela marang prinsipe dhewe-dhewe. Ora ana pihak kang gelem ngalah utawa kanthi sabar lan sareh gelem ndhahar utawa ngrungokake luwih dhisik panemune pihak sijine.

Kedadeyan "perang" iku mau mung disumet saka bab sepele. Yaiku "tembung" kang landhep sing kuwawa nyesep ati pihak liyane. Menawa ora enggal-enggal kahanan mangkene iku dipriksa lan diudhari kanthi rasa ati kang wening lan obet, bisa-bisa akeh maneh keluwarga kang nemoni kahanan ala iku. Sapa kang dadi korbane? Ora ana maneh ya kabeh kang padha ngalami kahanan iku. Malah bisa uga mrembet menyang pihak njaban keluwarga.

Dimangerteni utawa ora, bilih apa kang kita edalake saka lathi iku sejatine tuwuh saka prentule ati kang murni oda bisa diselaki. Awit dene sumbering wicara iku asli saka ati (pikiran) kang banjur diwujudake dadi swara lantaran lathi kang dadi pirantine. Lagi krana batin wae kabeh samubarang kang kita pikir iku wis dadi pancaran gelombang frekuensi kang mahanani tumrape pihak liya. Menawa ing batin ngudarasa barang utawa kahanan kang ala, sabanjure uga menehi pangaribawa kang ora becik. Semono uga pikiran kang becik lan manis uga mahanani samubarang kang apik tumrape liyan. Mulane ora mokal menawa apa kang sinebut donga menawa pancen diniati kanthi tenanan bisa dadi mujarab. Awit ing kene sejatine dadi bukti menawa pikiran lan wicara (ucapan) iku pancen gedhe sawabe. Mula aja gampang sepata! Pamggresulan iya semono uga mangaribawani tumrap apa wae kang ana ing sakiwa-tengene dadi sumbering kasedhihan.

Perlu dibiasakke mikir lan nglimbang-nglimbang

Kanyatane kebiasaan kang kita lakoni durung kabeh nuduhake utawa dadi bahan kang menehi sumbangsih tumrape mujudake owah-owahan kang positip kanggo keluwarga. Perlu kawigaten kang mligi diemenake supaya ngupakara pikiran sadurungne kawedal ing lathi.

Perlu diwanuhake bilih frekuensi kang dipancarake saka pikiran (gelombang otak) iku duwe daya kang ngedab-edabi. Menawa katon kata dene banyu mono, gampang angggone nangulangi supaya ora nemahi tumrape liyan kanthi menehi tambak utawa bendungan. Nanging menawa frekuensi gelombang otak? Wehh...ora kena dienggo dolanan. Coba panjenengan nlesih-nlesih. Siaran radio iku bisa katampa senajan kaalingan utawa katetegan dening tembok omah ta? Nyatane panjenengan sami bisa middhangetake siaran radio, senajan ana ing sajroning omah gedhong kang rapet. Iku uga mujudake pancaran gelombang frekuensi, kaya dene pancaran gelombang otak.

Ngenteni Kumambange Watu Item, Sileme Prahu Gabus

Kaya bebasan ing ndhuwur mungguh tegese watu item iku ngemu pasemon menawa nuduhake barang kang atos lunyu, mlisi. Mula mokal dene bisa kumambang ing satengahe toya. Ora ana wong kang bisa ndeleng watu item kumambang ing sakndhuwure banyu.
Dadine bebasan ing ndhuwur iku mratelakake sawijining prekara kang ora bakal dumadi senajan diarep-arep nganti putih kuncunge. Walikane ukara kang uga ngandhut teges sing padha yaiku sileme prahu gabus. Gabus iku barang kang duwe sipat entheng, empuk lan menawa kacegurake menyang ing banyu mesthi bakal kumambang lan ora nyilem.

Wulang bebasan iki arsing dipigunakake dene wong kang ora pracaya maneh marang samubarang kang mokal kedadeyan. Utawa kahanan ati sing wis pasrah bongkokan, mupus, tanpa duwe pangarep-arep maneh.

Pasar Ilang Kumandhange

Pasar ilang kumandhange mujudake tembung utawa bebasan kang digunakake minangka mratelakake sawijining kahanan. Teges kahanan ing kene ngemot makna sawijining owah-owahan. Bisa owahan saka kahanan becik tumeka dadi ala utawa sewalike. Nah kahanan iki bisa disebabake dening polah utawa perilaku kang njalari liyan dadi ora seneng. Upamane, ing sakawit sawijine uwong dikenal dening tangga utawa mitra sakiwa-tengene. Ananging merga embuh apa kang dilakoni satemah wong mau dadi punjering kawigaten kang ora nyenengake. Sakparipolahe mung di-embe dening liyan. Tembung2 kang sakawit tansah digugu lan diugemi dening liyan saiki ora digape. Cekake tembung wong mau wis ora dianggep uwong.

Mula supaya kedadeyan iku ora nemahi marang kita, sing ngati-ati anggone tumindak kalebu ngati-ati anggone wicara. Sebab ukara kang kita lesanke senajan miturut awake dhewe iku ora ngenani penggalih, nanging kadhangkala kanggone wong liya sok dadi tembung kang nggawe tatu ing ati.

Ana meneh conto kang kedadean saka kahanan gegayutan karo bandha.
Wong kang dadi sugih mblegedhu ujug-ujug dadi "kere"  unyik. Paribasan ing ndhuwur mau uga bisa ditrepake. Awit wgih mau anggone sugih jalaran saka dalan kang ora bener. Ora bener ing kene tegese: bisa saka prewangan, ngidak liyan, dodolan barang wadi, korupsi, lan liya-liyane. Sing ing sakawit wong mau diajeni lan di-eringi dening liyan merga bandhane, ing kene kahanan dadi sewalike. bisa uga merga wong mau gejodheran anggone tumindak ala. Dadi pokoke saiki wis ngalor-ngidul mung dianggep uwuh. Mulane ya padha sing bener anggone tumindak. Aja srakah, ngangah-angah marang bandha kang dudu dadi duwekke samesthine.

Sumngga para maos tulisan sethithik iki muga dadi bahan kanggo renungan amrih awak tansah diajeni merga apa kang kita tindakke iku bisa dadi srana lumunturing berkah Saka Gusti Allah.

Natalane wong Jawa

Natalane wong jawa uga rame. Pengin mriksani?? Sumangga panjenengan klik ana ing link iki

Raden Antasena

Raden Antasena
satria gagah kang duwe watak jujur, tegen mugen, setya marang kabeneran, wani marang sakehing tumindak nyasar kleru. Sapa wae sing tumindak salah dheweke wajib ndandani. Satria kang ginadhuhan pusaka sungut lan upas iki asil saka nenikahane Raden Werkudara (Ramane) lan Dewi Urangayu (Ibune). Bebarengan klawan raden Wisanggeni nalika perang Bharatayuda meh kawiwitan dheweke rila mati minangka srana mulyakake para pepundhene ing Amarta. Titis sakehing laku alus, lan lelembut, jajalanat. Aja meneh amung lakune jim setan prahyangan, snajan to dewa pisan lamun tumindak nalisir saka bebener mesthi wurung sedyane lamun klakon kapethuk Raden Antasena.

Driji iku ngemu Piwulang

Driji manungsa cacahe ana lima aran: Jempol, Penuding, Temunggul, Manis lan Jenthik.
Menawa kadeleng saka ukuran driji mau cetha menawa beda-beda mungguh ukurane. Jempol wujude cendhak lan lemu,
wondene sisihe ana Penuding luwih dawa tinimbang jempol, Sabanjure kang diarani Temunggul mula diarani temunggul
amarga dadi tetungguling para driji awit pancen paling dawa. Lan banjur kajejeran dening Manis, para juru paes mapanake ali-ali ana ing kene.
Lan sing paling wragil kasebut Jenthik iki dadi perangan sing paling cilik dhewe lan ana ing pinggir.

Kabeh driji mau anduweni watak lan gunane dhewe-dhewe. Nanging ora bakal padha nyambut-gawe ijen. Kabeh pakaryan kang diemban
dening tangan bisane kelakon lan sampurna kudu disangga dening driji lima iku. Contone menawa awake dhewe arep nyekel barang,
kalima-limane banjur padha nyekethem amrih barang mau ora tiba.

Driji lima ngemu piwulang marang manungsa mungguhe pasemon, Sing gedhe dhewe tetep mbutuhake marang sing cilik. Semono
uga sing paling dhuwur ya tetep gelem nyandhing marang sing cendhak. Mangkono uga mungguhing urip, conto perangane driji mau
dadi tuladha tumrap manungsa, yaiku tansah sesambetan marang liyan ndadekake kekuwatan kanggo nggayuh apa kang kakarepake.

Lan kabeh mau merga ora ana kang nganggep menawa salah sijine driji iku kang mrantasi gawe.
Jempol bisa diwerdekake pasemon "apik" utawa kabecikan. Mulane menawa ana kedadeyan kang apik kita banjur ngacungake jempol.
Barang kang ala utawa becik bisane dimangerteni awit katuduhake dening Penuding, mula penuding uga ana werdine nuduhake marang
babagan kang becik. Lha kanggo nggayuh marang kekarepan mau kudu ana sing dadi Tetunggule karya, iya bisa uga kasebut dadi "koordinator"
operasional. Dudu sing nguwasani, nanging Temunggul iku ngemu teges mandhegani ana ing jejibahan mau. Supaya bisa kalampah "Manis"
utawa enak kepenak. Mulane driji manis dipaesi nganggo ali-ali emas, nduweni teges pakaryan kang diemban menawa wis kasembadan
nuli nuwuhake kahanan kang krasa manis. Endah, enak, kepenak, selaras. harmonis. cocok lan liya-liyane.

Jenthik iku senajan mung cilik nanging menehi tambahan daya kekuwatan, mula papane ana ing pinggir supaya dadi piwulang "aja minggirake wong cilik" tegese aja nyepelekake marang sing cilik. Jenthi iku mapan cedhak marang driji manis, tegese menawa ta wong cilik iku mung mbutuhake kahanan kang manis. Kahanan manis iku bisa diwerdekake: karaharjan, kamulyan, kacukupan, katentreman, keharmonisan,
lan isih akeh maneh kahanan kang manis.)*

CUPU MANIK ASTA GINA

CUPU MANIK ASTA GINA

Cupu mungguhing tembung kang lumrah digunakake umum werdine wadhah, yaiku mujudake sawijining barang utawa papan kang dienggo nyimpen utawa deleh barang.
Ing jaman biyen cupu iku dadi sarana kanggo nyimpen barang-barang kang aji. Mulane cupu kasimpen ana ing papan kang primpen supaya ora gampang dideleng lan
dimangerteni dening liyan.

Manik, tegese barang aji kang banget anggone ngrumat supaya barang iku bisa kanggo gawe. Awit manik mono manggone ana paningal. Dadine manik iku minangka sawijining sarana kanggo mriksani marang apa lan sapa wae kang pengin dipriksani. Kapapnanke ana ing perangan sirah kang katutupan dening kulit lan banyu supaya tansah bening lan bisa trewaca menawa ndedeleng.

Asta, wis ngarani tegese tangan. Pigunane kanggo makarya, iya makarya kang becik. Makarya samubarang lir kang bisa ndadekake kamulyan lan karahayone titah.
Mula aja pisan-pisan makarya utawa nindakake laku kang sarak, nakal, sembrana tundhone nyilakani marang sepadha-padha.

Gina, guna utawa manfaat. Wis cetha mungguhing makna.

Cupu manik asta gina ngemu piweling supaya manungsa tansah bisa dadi wadhah kang bisa ndeleng marang liyan, ndeleng marang kabeh kang mujudake piwulang becik.
Sabanjure barang kang becik iku ditindakake (aplikasi) supaya migunani.

TESMAK utawa Kaca Tingal

Tesmak, mungguhing barang kang nyata yaiku sawernaning piranti kanggo mbiyantu perangane awak kanggo ndeleng yeku mripat. Tesmak kaperang dadi 2: a) gedhah lan b) wengku.
Gedhah utawa kaca kang kaentha lan kaanggit supaya enak lan kepenak disawang utawa dienggo nyawang. Wondene perangan liyane yaiku wengu utawa blengker kang kagawe saka kawat utawa jenangan kanggo masang gedhah lan kaentha supayane gampang dislempitake ana ing ndhuwur kuping dimen bisa nyangga gedhah mau.
Kanggone wong jawa samubarang kang ana ing donya iku bisa kanggo srana minangka media utawa piranti kanggo nelakake sawijining rasa utawa basa. Mulane ora mokal menawa ana ing tata upacarane wong jawa asring migunakake barang-barang maneka werna kanggo sesaji, jer iku mau minangka basa kanggo dalaning sesambungan utawa minangka pesen kang kudu dijarwakake marang liyan (kalebu marang sesembahane). Contone ana ing upacara manten. Ing sangareping regol utawa tarub mesthi kapasang wit "tebu" awit ing kono ngemu pesen utawa pasemon manteb ing kalbu)=teb-bu). Mula ya mengkono uga tegese kang bakal takjarwakke marang para maos ngenani tesmak iki.

Utawa luwih becik maneh malah para maos njarwakna dhewe werdine tesmak iku hehehe...sugeng anlesih...

Video

http://www.ziddu.com/download/4027754/GANCAHANVIIIRALLY_2008.mp4.html

Wohing Pakarti

Ing sesrawungane wong Jawa ana bebasan, "Ngundhuh wohing Pakarti" kang ngemu teges menawa "apa" wae kang ditindakake dening manungsa iku tetep bakal numusi marang awak dhewe, sedulur, utawa sanak kadang kang isih ana gegandhengan marang kita.
Jan-jane piwulang iki wis ana wiwit rikala bangsa ing tanah Jawa iku ana(lahir). Tumindak becik utawa ala bakal kaundhuh dewe marang kita. Mulane piwulang iku ngajab supaya wong Jwa iku tansah rumaket mring Gusti-ne yaiku Allah Satuhu. Minangka tanda raketing marang Allah diyektekake krana tumindak kang becik. Cilik gedhe kabeh samubarang kang wis dilakoni dening manungsa iku dadi satunggaling energi "daya=bhs Indonesia" kang ora bakal ilang, mulane kudu tansah ngati-ati. Gandhengane tembung "Isih ana langit saknduwure langit". Aja ongas, aja kumalungkung lan aja gumedhe!